மிருக வேட்டைக்குச் சென்றவர் துப்பாக்கி வெடித்து உயிரிழப்பு

0
100

மட்டக்களப்பு, கித்துள் காட்டுக்குள் மிருக வேட்டையாடச் சென்றவரின் துப்பாக்கி தவறுதலாக வெடித்ததில், அவர் நேற்று (23) இரவு உயிரிழந்தாரென, கரடியனாறு பொலிஸார் தெரிவித்தனர்.

கரடியனாறு, கித்துள் பிரதேசத்தைச் சேர்ந்த 40 வயதுடைய கருப்பையா ராமகிருஷ்ணன் என்பவரே, இவ்வாறு உயிரிழந்துள்ளார்.

குறித்த நபர், சம்பவதினம் இரவு, சட்டவிரோதமான உள்ளூர்த் துப்பாக்கியுடன் மிருக வேட்டைக்குச் சென்றபோது, அவரின் துப்பாக்கி தவறுதலாக வெடித்ததில், அவரின் காலில் குண்டுபாய்ந்து படுகாயமடைந்துள்ளார்.

இதனையடுத்து, செங்கலடி வைத்தியசாலைக்குச் செல்லப்படும்போது, இடைநடுவில் அவர் உயிரிழந்தாரென, பொலிஸார் தெரிவித்தனர்.

சடலம், செங்கலடி வைத்தியசாலையில் வைக்கப்பட்டுள்ளதெனத் தெரிவித்த கரடியனாறு பொலிஸார், சம்பவம் தொடர்பான மேலதிக விசாரணைகளை மேற்கொண்டு வருகின்றனர்.

Source: tamilmirror.lk

LEAVE A REPLY