ரொட்டவெவ முஸ்லிம் வித்தியாலய மாணவி பாலியல் துஷ்பிரயோகம்: ஆசிரியருக்கு விளக்கமறியல்

0
34

(அப்துல் சலாம் யாசீம்)

Prisoner+in+jail+cell+prison remandதிருகோணமலை-வடக்கு கல்வி வலயத்திற்குற்பட்ட ரொட்டவெவ முஸ்லிம் வித்தியாலயத்தில் 11ம் ஆண்டில் கல்வி பயிலும் மாணவியை பாலியல் துஷ்பிரயோகத்திற்குற்படுத்திய குற்றச்சாட்டின் பேரில் கைது செய்யப்பட்ட ஆசிரியரை எதிர்வரும் 23ம் திகதி வரை விளக்கமறியலில் வைக்குமாறு இன்று (11) திருகோணமலை நீதிமன்ற நீதவான் விஷ்வானந்த பெர்ணாண்டோ உத்தரவிட்டார்.

இவ்வாறு கைது செய்யப்பட்டவர் ரொட்டவெவ பகுதியில் திருமணமாகிய இரண்டு பிள்ளைகளின் தந்தையான கிண்ணியா-பகுதியைச்சேர்ந்த டி.சபீர்கான் (33வயது) எனவும் தெரியவருகின்றது.

சம்பவம் குறித்து தெரியவருவதாவது- 11ம் ஆண்டு மாணவியை பாலியல் துஷ்பிரயோகத்திற்கு உற்படுத்தியதாக வௌியான சம்பவத்தையடுத்து இவ்வாறான செயற்பாட்டை மறைக்காமல் ஆசிரியர் யார் என இணங்கண்டு அவ்வாசிரியருக்கு எதிராக சட்ட நடவடிக்கை எடுக்குமாறு கோரி பாடசாலையை வாலிபர்கள் சுற்றி வலைத்தனர்.

அதனையடுத்து அங்கு விரைந்த பொலிஸார் பாதிக்கப்பட்ட மாணவியிடம் வாக்கு மூலம் பெற்றதையடுத்து ஆசிரியர் கைது செய்யப்பட்டதாகவும் பொலிஸார் தெரிவித்தனர்.

அத்துடன் பல ஆசிரியர்கள் மாணவிகளுடன் காதல் தொடர்புகளை வைத்து பாலியல் துஷ்பிரயோகத்தில் ஈடுபட்டு வருவதாக கிடைக்கப்பெற்ற தகவலையடுத்து 11ம் ஆண்டு மாணவிகளை தனித்தனியாக பெண் பொலிஸார் விசாரணைகளை நடாத்தி வருவதாகவும் மொறவெவ பொலிஸார் தெரிவித்தனர்.

LEAVE A REPLY