ஹஜ் குழுவுக்கு எதி­ரா­க உயர் நீதி­மன்றில் வழக்­கு; கோட்­டாவை மீள பகிர்ந்­த­ளிக்­கு­மாறு கோரிக்­கை

0
10

Colombo High Courtஇவ்­வ­ரு­டத்­திற்­கான ஹஜ் ஏற்­பா­டு­களில் ஹஜ் குழு 2013 ஆம் ஆண்டு உயர்­நீ­தி­மன்றம் வழங்­கி­யுள்ள ஹஜ் வழி­மு­றை­களை (Guide Lines) மீறி­யுள்­ள­தா­கவும் இவ்­வ­ருட ஹஜ் கோட்டா பகிர்வு முறையை இரத்துச் செய்து உயர் நீதி­மன்றம் வழங்­கி­யுள்ள வழி முறை­களின் கீழ் கோட்­டாவை மீள் பகிர உத்­த­ர­வி­டு­மாறும் கோரி உயர்­நீ­தி­மன்­றத்தில் நேற்று மனு­வொன்று தாக்கல் செய்­யப்­பட்­டுள்­ளது.

மனுவில் பிர­தி­வா­தி­க­ளாக முஸ்லிம் சமய விவ­கார மற்றும் தபால், தபால் சேவைகள் அமைச்சர், அமைசின் செய­லாளர், முஸ்லிம் சமய கலா­சார அலு­வல்கள் திணைக்­கள பணிப்­பாளர் எம்.எச். எம். ஸமீல் மற்றும் ஹஜ்­குழு உறுப்­பி­னர்கள் பெயர் குறிப்­பி­டப்­பட்­டுள்­ளனர்.

ஸ்ரீலங்கா ஹஜ் முக­வர்கள் சங்­கத்தின் உப தலை­வரும் கரீம்­லங்கா ஹஜ் முகவர் நிலைய உரி­மை­யா­ள­ரு­மான எ.சி.பி.எம்.கரீம் உட்­பட 9 முகவர் நிலை­யங்கள் இம்­ம­னு­வினைத் தாக்கல் செய்­துள்­ளன.

சட்­டத்­த­ரணி ருஸ்தி ஹபீப் மனு­தா­ரர்கள் சார்பில் மனு­வினைத் தாக்கல் செய்­துள்ளார்.

கரீம் லங்கா ஹஜ் முகவர் நிலைய உரி­மை­யாளர் ஏ.சி.பி.எம்.கரீமை தொடர்பு கொண்டு இது தொடர்பில் வின­வி­ய­போது அவர் பின்­வ­ரு­மாறு விளக்­க­ம­ளித்தார்.

‘ஹஜ் ஏற்­பா­டு­களில் அநீ­திகள் தொடர்ந்து இடம்­பெற்று வரு­கின்­றன. ஹஜ் ஏற்­பா­டு­க­ளுக்கு எதி­ராக 2012 ஆம் ஆண்டு முதல் 2015 ஆம் ஆண்டு வரை தொடர்ந்து நீதி­மன்றில் மனு­தாக்கல் செய்­யப்­பட்டு விசா­ர­ணைகள் இடம்­பெற்­றுள்­ளன.

2013 ஆம் ஆண்டு உயர் நீதி­மன்றம் ஹஜ் ஏற்­பா­டுகள் தொடர்பில் தீர்ப்­பொன்று வழங்­கி­யுள்­ளது.

அந்த வழி முறை­களின் (Guide Lines) படியே ஹஜ் கோட்டா பகிர்ந்­த­ளிக்­கப்­பட வேண்டும். ஆனால் இவ்­வ­ருடம் கோட்டா புதிய முறையில் கையா­ளப்­பட்­டுள்­ளது.

தெரிவு செய்­யப்­பட்­டுள்ள முகவர் நிலை­யங்­க­ளுக்கு உரிய கோட்டா விபரம் கடித மூலம் அறி­விக்­கப்­பட்­டுள்­ளது. 31 முக­வர்­க­ளுக்கு 100, 59 முக­வர்­க­ளுக்கு 50, 7 முக­வர்­க­ளுக்கு 25 என கோட்டா அறி­விக்­கப்­பட்­டுள்­ளது. ஆனால் இம்­முறை 2240 கோட்­டாவே கிடைத்­துள்­ளது.

கோட்டா நேர­டி­யாக முக­வர்­க­ளுக்கு வழங்­கப்­ப­ட­வில்லை. திறந்த சந்­தையில் விடப்­பட்­டுள்­ளது.

ஹஜ் யாத்­தி­ரி­கர்­களே முக­வர்­களை தேடிச் செல்­ல­வேண்­டி­யுள்­ளது. இதனால் எல்லா பிர­தே­சங்­க­ளிலும் உப முக­வர்கள் செயற்­பட்டு யாத்­தி­ரி­கர்­களின் கட­வுச்­சீட்­டினை சேக­ரிக்­கி­றார்கள். உப முக­வர்கள் தங்­க­ளுக்கு ஒரு கமி­ஷனை ஒதுக்கிக் கொண்டு யாத்­தி­ரி­கர்­களை முக­வர்­க­ளிடம் ஒப்­ப­டைக்கும் நிலைமை உரு­வா­கி­யுள்­ளது. இதனால் முக­வர்கள் பெரிதும் பாதிக்­கப்­பட்­டுள்­ளார்கள்.

ஆனால் இதற்கு முன்­னைய வரு­டங்­களில் நேர்­முகப் பரீட்­சையில் முகவர் நிலை­யங்கள் பெற்றுக் கொள்ளும் புள்­ளி­க­ளுக்கு அமை­வா­கவே கோட்டா பகி­ரப்­பட்­டது. இம்­மு­றையே சிறந்த முறை­யாகும். அத­னாலே இந்த உயர்­நீ­தி­மன்றம் வழங்­கி­யுள்ள வழி­காட்­டலை பின்­பற்றி கோட்­டாவை முக­வர்­க­ளுக்கு பகிர்ந்து வழங்­கு­மாறு நாம் கோரு­கிறோம் என்றார்.

ஹஜ் யாத்­தி­ரி­கர்­களின் நலனில் நாம் அக்­கறை கொண்­டுள்ள அதே­வேளை தகு­திக்கும் நேர்­முகப் பரீட்­சையில் பெற்றுக் கொள்ளும் புள்­ளி­க­ளுக்கும் அமை­வாக கோட்டா வழங்­கப்­பட வேண்டும். என்­கிறோம் என்றார்.

முஸ்லிம் சம­ய­வி­வ­கார மற்றும் தபால், தபால் சேவைகள் அமைச்சர் எம்.எச்.ஏ.ஹலீமைத் தொடர்பு கொண்டு இது தொடர்பில் வின­வி­ய­போது பின்­வ­ரு­மாறு பதி­ல­ளித்தார்.

நீதி­மன்­றத்­தி­லி­ருந்து எவ்­வித அறி­வித்­தலும் எமக்குக் கிடைக்­க­வில்லை. இவ்­வ­ரு­டத்­துக்­கான ஹஜ் ஏற்­பா­டுகள் திட்­ட­மிட்டு அனை­வரும் நன்மை பெறும் வகை­யிலே வடி­வ­மைக்­கப்­பட்­டன. 2013 ஆம் ஆண்டு உயர்­நீ­தி­மன்றம் வழங்­கிய ஹஜ் வழி­முறை முழு­மை­யாகக் கையா­ளப்­பட்­டுள்­ளது. நீதி­மன்றம் வழங்­கி­யுள்ள வழி முறை ஒரு போதும் மீறப்­ப­ட­வில்லை.

தகு­தி­யான சுயா­தீன குழு­வொன்றே ஹஜ் முக­வர்­க­ளுக்­கான நேர்­முகப் பரீட்­சையை நடத்­தி­யது.

ஹஜ் குழு­விலும் திற­மை­யான தகு­தி­யா­ன­வர்­களே பதவி வகிக்­கின்­றனர். ஹஜ் ஏற்­பா­டு­களில் முன்­னைய காலங்­களில் போன்று அர­சியல் சலு­கைகள் வழங்­கப்­ப­ட­வில்லை.

ஹஜ் யாத்­தி­ரி­கர்கள் தமக்கு விருப்­ப­மான முக­வர்­களைத் தெரி­வு­செய்­து­கொள்­வ­தற்கு வாய்ப்­ப­ளிக்­கப்­பட்­டுள்­ளது. முக­வர்­களின் கட்­டண விப­ரமும் யாத்­தி­ரி­கர்­க­ளுக்கு வழங்­கப்­பட்­டுள்­ளது. இதனால் இவ்­வ­ருடம் ஹஜ் கட்­ட­ணத்தில் வீழ்ச்சி ஏற்­பட்­டுள்­ளது. சிறந்த சேவை­யினை வழங்­கக்­கூ­டிய முகவர் நிலை­யங்­க­ளையே யாத்­தி­ரி­கர்கள் தேடிச் செல்­கின்­றனர்.

முக­வர்கள் ஹஜ் யாத்­தி­ரி­கர்­க­ளுக்கு சிறந்த சேவை வழ­ஙக வேண்­டு­மென்­பதே எனது குறிக்­கோ­ளாகும். சில முக­வர்கள் வெளி­நாட்டு வேலை­வாய்ப்பு தொழி­லிலும் இரத்­தி­னக்கல் வியா­பாரம், மின்­சார உப­க­ர­ணங்கள், வர்த்­தகம் போன்­ற­வற்­றிலும் ஈடு­பட்டு வரு­கின்­றனர். இவ்­வா­றான முக­வர்­களை யாத்­தி­ரி­கர்கள் நிரா­க­ரிக்­கின்­றனர்.

கடந்த காலங்களின் ஹஜ் ஏற்பாடுகள் சிறந்ததா இவ்வருட ஹஜ் ஏற்பாடுகள் சிறந்ததா என்று மக்கள் தீர்மானிப்பார்கள். மக்களின் தீர்ப்பே முக்கியமானதாகும் என்றார்.

#Vidivelli

LEAVE A REPLY