மது போதையால் வரும் இலாபத்தை விட செலவீனமே மிக அதிகம் – சுகாதார அமைச்சர் நசீர்

0
42

(சப்னி)

imageஎமது நாட்டைப் பொறுத்­த­வ­ரையில் சிகரெட் மற்றும் மது­பான விற்­ப­னையின் மூலம் பில்­லியன் கணக்கில் வரு­மானம் கிடைக்­கின்­றது. ஆனாலும் போதைப்­பொரு­ளுக்கு இலக்­காகி பாதிப்­புக்­குள்­ளா­ன­வர்­களுக்கு சுகா­தார அமைச்­சு அவர்களுக்காக செலவிடும் தொகை அதன் மூலம் கிடைக்கும் வருமாணத்தை விட இருமடங்கு அரசு செலவிடுகின்றது என கிழக்கு மாகாண சுகாதார அமைச்சர் ஏல்.எல்.முஹம்மட் நசீர் இன்று (01) தெரிவித்தார்.

கிழக்கு மாகாண சுகாதார அமைச்சில் இடம்பெற்ற உயர் அதிகாரிகளுடனான கலந்துரையாடலின் போது மேற்கண்டவாறு தெரிவித்தார்.

அங்கு அவர் மேலும் கூறுகையில்;

நாட்டில் போதை­வஸ்து மற்றும் மது, சிகரெட் பாவனை அதி­க­ரித்து வரு­கின்­றது. இதனால் பாதிக்­கப்­படும் மக்­களின் எண்­ணிக்­கையும் வரு­டந்­தோறும் அதி­க­ரித்து வரு­வ­தையே புள்­ளி­வி­ப­ரங்கள் எடுத்­துக்­காட்­டு­கின்­றன.

இதனால் போதை­வஸ்து, மது மற்றும் சிகரெட் பாவ­னையை எவ்­வாறு மக்கள் மத்தியில் கொண்டு செல்வது தொடர்பாகவும் அதற்கான புதிய திட்டங்களை ஆரம்பிப்பது தொடர்பாகவும் இன்றிலிருந்தே திட்ட மிட வேண்டும்.

புதிய அர­சாங்­க­மா­னது போதை­வஸ்­துப்­பா­வ­னையை இல்­லா­தொ­ழிப்­ப­தற்கும் மது மற்றும் சிகரெட் பாவ­னையை கட்­டுப்­படுத்­து­வ­தற்­கு­மான நட­வ­டிக்­கை­களை தற்­போது எடுத்து வரு­கின்­றது. தேசிய போதைப்­பொருள் தடுப்பு நிகழ்ச்சித் திட்­டத்­தையும், போதைப் பொருள் தடுப்பு மாதத்­தையும் பிரக­ட­னப்­ப­டுத்தும் தேசிய தினத்தை நேற்று (31) ஆரம்பித்து வைத்து இந்த மது எதிர்ப்பு தினத்தை எதிர்வரும் 12ஆம் திகதி வரை முன்னெடுக்கவுள்ளது.

மேலும், எமது நாட்­டையும் மக்­க­ளையும் சீர­ழித்­து­வரும் சட்­ட­வி­ரோத போதைப்­பொருள் வர்த்­தக செயற்­பாடுகள் தொடர்பில் எந்­த­வொரு கட்­சியோ அல்­லது அர­சி­யல்­ பாகுபாடு இல்லாமல் இதனை ஒழிப்பதற்கான சகல முன்னெடுப்புக்களையும் முன்னெடுக்க அனைவரும் ஒன்றினைந்து செயற்பட வேண்டும். இவ்வாறு செயற்படுவதன் மூலம் எமது நாட்டையும், எமது மக்களையும் மது போதையற்ற நாடாக மாற்றி அமைக்க முடியும்.

எமது நாட்டில் காணப்­படும் சனத்­தொ­கையில் குறைந்த வரு­மா­னத்தை பெறு­ம் மக்­க­ளி­டையே பொரு­ளா­தார ரீதி­யாக மிகவும் வறு­மை­யுடன் வாழும் மக்கள் தமது வரு­மா­னத்தில் மூன்றில் ஒரு பங்­கினை போதைப்­பொருள் பாவ­னைக்­காக செல­வி­டு­கின்­றனர்.

இன்று ஏனைய நாடு­க­ளைப்­போன்று எமது நாட்­டிலும் அதி­க­ரித்த வறு­மை­ நி­லைக்கு போதைப் பொருள் பாவனை மிகவும் முக்­கிய கார­ண­மாக அமைந்­தி­ருக்­கின்­றது. அந்த வகையில் நாட்டில் சட்­ட­வி­ரோத போதைப்­பொருள் பாவனை அதி­க­ரிப்பு கார­ண­மாக நோயா­ளர்­களின் எண்­ணிக்­கையும் அதி­க­ரித்­துள்­ளது.

போதைப்­பொருள் பாவ­னைக்கு 15 வயது தொடக்கம் 25 வயது வரை­யா­னோரே அதிகம் பாதிக்­கப்­பட்டு வரு­கின்­றனர். சுகா­தார செயற்­பா­டு­களுள் ஒப்­பீட்­ட­ளவில் இலங்கை முத­லி­டத்தில் உள்­ள­போதும் போதைப் பொருள் பாவனை மூலம் சமூக கட்­ட­மைப்­புக்கள் மாற்றமடையக்­கூ­டிய அச்­சு­றுத்தல் எமது நாட்டில் ஏற்­பட்­டுள்­ளது. இதிலிருந்து இன்றைய இளைய சமூதாயத்தினரை பாதுகாக்க வேண்டிய தேவை எமக்கு பாரிய பொறுப்புள்ளது.

இதற்கான சகல நடவடிக்கைகளையும் இன, மத வேறுபாடுகளுக்கு அப்பால் நாம் ஒன்றினைந்து பாடுபட வேண்டும் என சுகாதார அமைச்சர் மேலும் கூறினார்.

LEAVE A REPLY