பாலில் தேன் கலந்து குடிப்பதால் உடலினுள் ஏற்படும் மாற்றங்கள் குறித்து தெரியுமா?

0
497

நம் உடல் ஆரோக்கியத்தை மேம்படுத்த ஏராளமான வழிகள் உள்ளன. குறிப்பாக உணவுகள் அதில் முக்கிய பங்கினை வகிக்கிறது. அதிலும் நம் வீட்டில் உள்ள எளிய பொருட்கள் தான் அந்த மாயங்களைச் செய்யும். ஆனால் அதை பலரும் உணர்வதில்லை.

அதில் பால் அன்றாடம் நாம் பருகும் ஓர் பொருள். அத்தகைய பாலுடன் சர்க்கரைக்கு பதிலாக தேன் கலந்து குடித்து வருவதன் மூலம் ஏராளமான நன்மைகள் கிடைக்கும். அந்த நன்மைகள் என்னவென்று தெரிந்து கொள்ள தொடர்ந்து படியுங்கள்

இரவில் படுக்கும் முன் வெதுவெதுப்பான பாலுடன் தேன் கலந்து குடிப்பான் மூலம், இரவில் நல்ல நிம்மதியான தூக்கத்தைப் பெற முடியும். எப்படியெனில் தேனில் உள்ள இயற்கை சர்க்கரை மூளையை ஓய்வெடுக்கச் செய்யும். ஆகவே இரவில் உங்களுக்கு நிம்மதியான தூக்கத்தைப் பெற வேண்டுமானால், பாலில் தேன் கலந்து குடியுங்கள்.

ஒரு டம்ளர் பாலுடன் 2 டேபிள் ஸ்பூன் தேன் கலந்து காலையில் குடிப்பதால், நாள் முழுவதும் உடலின் ஸ்டாமினா தக்க வைக்கப்படும். இதற்கு பாலில் உள்ள புரோட்டீன் மற்றும் தேனில் உள்ள அத்தியாவசிய கார்போஹைட்ரேட்டுகள் தான் காரணம்.

பாலுடன் தேன் கலந்து குடிப்பதால் செரிமானம் மேம்படும். தேனில் உள்ள ப்ரீபயோடிக்ஸ் என்னும் ஊட்டச்சத்து, குடலில் மற்றும் செரிமான மண்டலத்தில் புரோபயோடிக் பாக்டீரியாக்களின் வளர்ச்சியைத் தூண்டி, செரிமானத்தை சீராக்கும்.

நாள்பட்ட மலச்சிக்கல் பிரச்சனை உள்ளவர்கள் தினமும் பாலுடன் தேன் கலந்து குடித்து வர, குடலியக்கத்தின் செயல்பாடு சீராக்கப்பட்டு, மலச்சிக்கல் பிரச்சனை மட்டுமின்றி, வயிற்று உப்புசமும் நீங்கும்.

வெதுவெதுப்பான பாலுடன் தேன் கலந்து குடிப்பதால், சளி, இருமல் பிரச்சனைகளில் இருந்து நல்ல நிவாரணம் கிடைக்கும். இதற்கு தேனில் உள்ள ஆன்டி-பாக்டீரியல் தன்மையை முக்கிய காரணமாக கூறலாம்.

வெதுவெதுப்பான பாலுடன் தேன் கலந்து குடிப்பதால், சளி, இருமல் பிரச்சனைகளில் இருந்து நல்ல நிவாரணம் கிடைக்கும். இதற்கு தேனில் உள்ள ஆன்டி-பாக்டீரியல் தன்மையை முக்கிய காரணமாக கூறலாம்.

சமீபத்திய ஆய்வு ஒன்றில் பாலுடன் தேன் கலந்து குடிப்பதன் மூலம், உடலுக்கு மட்டுமின்றி சருமத்திற்கும் நல்லது என தெரிய வந்துள்ளது. குறிப்பாக இப்படி குடிப்பதால் வயதாகும் செயல்முறை தாமதப்படுத்தப்படுவதாக கண்டறியப்பட்டுள்ளது.

LEAVE A REPLY