முஸ்லிம் சமய விவகார அமைச்சு சவூதியுடன் ஹஜ் ஏற்பாடுகள் தொடர்பில் 3 ஒப்பந்தங்கள் கைச்சாத்து

0
64

முஸ்லிம் சமய விவ­கார மற்றும் தபால், தபால் சேவைகள் அமைச்சர் எம்.எச்.ஏ. ஹலீமின் தலை­மையில் சவூதி அர­சாங்­கத்தின் அழைப்பின் பேரில் அந்நாட்டுக்கு விஜயம் மேற்­கொண்­டி­ருந தூதுக் குழு­வினர் ஹஜ் ஏற்­பா­டுகள் தொடர்பில் மூன்று உடன்­ப­டிக்­கை­களில் கைச்­சாத்­திட்டு நேற்­றுக்­காலை நாடு திரும்­பினர்.

இலங்கை முஸ்­லிம்­களில் பெரும் தொகை­யினர் ஹஜ் கட­மைக்­காக பல வரு­டங்­க­ளாக காத்­தி­ருப்­ப­தா­கவும் அதனால் ஹஜ் கோட்­டாவை இவ்­வ­ருடம் குறைந்­தது 4000 ஆக அதி­க­ரித்து தரும்­படி அமைச்சர் ஹலீம் சவூதி ஹஜ் துறை அமைச்சர் கலா­நிதி பந்தர் பின் முஹம்மட் அல் ஹஜ்­ஜாரை வேண்­டி­யுள்ளார்.

சவூதி ஹஜ் துறை அமைச்­ச­ரிடம் கோட்டா அதி­க­ரிப்பைக் கோரி­யி­ருப்­ப­தா­கவும் அது மன்­னரின் அனு­ம­திக்கு சமர்ப்­பிக்­கப்­பட்டு அதன் பின்­னரே உறு­திப்­ப­டுத்­தப்­ப­டு­மெ­னவும் இலங்­கைக்கு இவ்­வ­ருடம் 4000 கோட்டா கிடைக்­கு­மென தான் எதிர்­பார்ப்­ப­தா­கவும் அமைச்சர் ஹலீம் ‘விடி­வெள்ளி’ க்குத் தெரி­வித்தார்.

சவூதி ஹஜ்­துறை அமைச்சர் கலா­நிதி பந்தர் பின் முஹம்மட் அல்­ஹஜ்ஜார், தெற்­கா­சிய நாடு­க­ளுக்­கான ஹஜ்­துறை தலைவர் ராபத் பத்ர், மற்றும் மதீ­னாவில் கலா­நிதி ஹாதம் ஜாபர் ஆகி­யோ­ருடன் உடன்­ப­டிக்­கை­களில் கைச்­சாத்­திட்­டுள்­ள­தா­கவும் அவர் கூறினார்.

முஅல்­லிம்­களை பதிவு செய்தல், மினா, அர­பாவில் தங்­கு­வ­தற்­கான கூடார வச­திகள், மக்­கா­வி­லி­ருந்து மதீ­னா­வுக்­கான போக்­கு­வ­ரத்து வச­திகள், உழ்­ஹிய்யா ஏற்­பா­டுகள் என்­பன தொடர்­பாக இந்த உடன்­ப­டிக்­கைகள் அமைந்­தி­ருந்­தன.

தூதுக்­கு­ழுவில் இடம்­பெற்ற ஹஜ் குழுவின் தலைவர் கலா­நிதி சியாத் தாஹாவைத் தொடர்பு கொண்டு விபரம் வின­வி­ய­போது அவர் பின்­வ­ரு­மாறு தெரி­வித்தார்.

‘சவூதி ஹஜ்­துறை அமைச்­ச­ரிடம் கடந்த வருடம் இலங்கை ஹஜ் பய­ணிகள் எதிர்­கொண்ட சில பிரச்­சி­னைகள் தொடர்­பாக எடுத்­துக்­கூ­றினோம். இலங்கை ஹஜ் பய­ணி­க­ளுக்கு மக்­கா­வி­லி­ருந்து மதீனா பய­ணிப்­ப­தற்கு குளி­ரூட்­டப்­பட்ட பஸ் வண்­டிகள் ஏற்­பாடு செய்­யப்­ப­ட­வில்லை. இதனால் பய­ணிகள் அசௌ­க­ரி­யங்­க­ளுக்கு உள்­ளா­கினர் என்று முறை­யிட்டோம்.

இவ்­வ­ருடம் புதிய 3000 குளி­ரூட்­டப்­பட்ட பஸ்கள் சேவையில் ஈடு­ப­டுத்­தப்­ப­ட­வுள்­ள­தா­கவும் பழைய பஸ்கள் சேவை­யி­லி­ருந்தும் நிறுத்­தப்­பட்­டுள்­ள­தா­கவும் அவர் தெரி­வித்தார்.

மற்றும் கடந்த வருடம் உழ்­ஹிய்­யா­வுக்­காக ஒரு மிரு­கத்­துக்கு 490 சவூதி ரியால் அற­வி­டப்­பட்­டது. இவ்­வ­ருடம் அது 460 ரியால்­க­ளாக குறைக்­கப்­பட்­டுள்­ளது’ என்றும் கூறினார்.

இவ்­வ­ருடம் தகவல் தொழில்­நுட்பம் ஹஜ் ஏற்­பா­டு­களில் கையா­ளப்­ப­ட­வுள்­ளது.

இதனால் சிறந்த சேவை கிடைக்­கப்­பெறும் என்றார்.

இலங்கை குழுவில் அமைச்சர் ஹலீ­முடன் தேசிய ஒரு­மைப்­பாடு மற்றும் நல்லிணக்க இராஜாங்க அமைச்சர் ஏ.எச்.எம். பௌஸி, ஹஜ் குழு தலைவர் கலாநிதி சியாத்தாஹா, அமைச்சரின் மக்கள் தொடர்பு அதிகாரி எம்.எம். ரமீம், சவூதிக்கான இலங்கை தூது வர் தாஸீம், ஹஜ் முகவர்கள் தலைவர் எம்.எஸ்.எம். பாரூக் ஆகியோர் கலந்து கொண்டிருந்தனர்.

-Vidivelli-

LEAVE A REPLY