தோல்விக்கு நானே பொறுப்பேற்றுக் கொள்கிறேன்: மேத்யூஸ் வருத்தம்

0
123

இலங்கை அணியின் தோல்விக்கு தான் பொறுப்பெற்றுக் கொள்வதாக அந்த அணியில் தலைவர் மேத்யூஸ் கூறியுள்ளார்.

ஆசியக்கிண்ண டி20 கிரிக்கெட் தொடரில் நேற்று நடந்த போட்டியில் இலங்கை- வங்கதேசம் அணிகள் மோதியது.

இந்தப் போட்டியில் மோசமான ஆட்டத்தை வெளிப்படுத்திய இலங்கை அணி 23 ஓட்டங்களால் வங்கதேசத்திடம் முதன்முறையாக தோல்வியைத் தழுவியது.

இந்த தோல்வி குறித்து இலங்கை அணித்தலைவர் மேத்யூஸ் கூறுகையில், 10-12 ஓட்டங்களை ஓடி எடுக்கும் போது, பவுண்டரிகளுக்கு பந்தை விரட்ட நாங்கள் அதிகமாக சிரமப்பட்டோம். இதுவே அணியின் தடுமாற்றத்திற்கு முக்கிய காரணமாக அமைந்து விட்டது.

அதேபோல் நாங்கள் சிறப்பான ஷாட்டுக்களை ஆடவில்லை. சிறப்பாக தொடங்கிய போதும் சில தவறுகளால் ஆட்டத்தின் போக்கு மாறியது. இலங்கை அணியில் நல்ல துடுப்பாட்ட வரிசை உள்ளது.

வங்கதேச அணி நிர்ணயித்த இலக்கு எளிதில் எட்டக் கூடியதே. நாங்கள் பெரிய அளவினான ஷாட்டுகளை ஆட முயற்சி செய்த போது விக்கெட்டுகளை அதிகமாக இழந்து விட்டோம். நாங்கள் மிகவும் மோசமான ஒரு ஆட்டத்தை ஆடியுள்ளோம்.

இறுதிப் போட்டிக்கு நுழைய நாங்கள் பாகிஸ்தான், இந்தியா அணிகளை வீழ்த்த வேண்டும். கண்டிப்பாக இது கடினமான சூழலாக இருக்கப் போகிறது. போராடி வெற்றி பெற முயலுவோம் என்று கூறியுள்ளார்.

LEAVE A REPLY