(Poem) திருமண நாளன்று!

0
128

downloadஅனைவரினதும் ஆசிர்வாதத்துடன்
அழாகாய் ஓர்
அனாச்சாரம்
அம்பலத்தில்
அரங்கேற்றம்!

அருமை நபி சொன்ன
அற்புத முறை மறந்து
அந்நிய கலாச்சாரத்தை
அப்படியே கடனெடுத்து

அன்பான துணைவனுக்காய் – தன்னை
ஆளவந்த கணவனுக்காய்
அலங்கரித்து காத்திராமல்…
அங்கமெல்லாம் தங்கம் மின்ன
அந்நிய ஆடவர் முன்
அசைந்து இசைந்து ஓர்
அலங்கோல ஊர்வலம்!

ஆண் பெண் வேறுபாடின்றி
அங்கலாய்த்து உறவாடி
அவலட்ஷணத்தை உருமாற்றி
அங்க அமைப்புக்களை
அணுவணுவாய் வெளிக்காட்டி
அருவருக்கத்தக்க முறையில்
அடுத்தவன் கண்களுக்கு ஓர்
ஆபாச விருந்தோம்பல்!

சுற்றியிருக்கும் தோழியரின்
சுயம் இழந்த நடத்தைகள்
சுவாரஸ்யம் தந்தாலும்
சுவனத்துக்கு தடையாகும்!

கண்ட நிண்டவர் எல்லாம்
கையில் போனுடன்
கல்யாண கோலத்தில்
கையடக்கும் முயற்சியில்..
கடைக்கண் பார்வையால் ஓர்
கலாச்சார சீரழிவு!
கண்டனத்துக்குறியது இச்செயல்!

முகம் மலர புன்னகைத்த மணமக்கள்
முகவரிகள் தொலைத்து
முகநூலில் நாளை வலம் வர
முகமறியா உறவுகள் சில
முழு உடல் பற்றி விமர்சிக்க..
முறையற்ற வேலையன்றோ!

பருவ வயதினர் முதல்
பாட்டன் பாட்டி வரை
பால் வேறுபாடின்றி
பசியாறி களைப்பாரும்
பண்பற்ற செயல்களும்
பகிரங்க நடைமுறையில்

அய்சிங் ஆல் அலங்கரித்த
ஆளுயர கேக் வெட்டி
ஆளுக்கொரு துண்டெடுத்து
அடுத்தவர் முன் ஊட்டி விட
அனைவரும் கைதட்டி
அங்கீகாரம் தந்தால் தான்
அது திருமணமா?

தன் துணை அருகிருக்க
பிறர் துணை கைகுலுக்கி
இங்கிதம் தெரியாமல்
இங்கிலீசை தவழ விட்டு
குதியுயர் பாதணியில்
குதிரையாக நடை பயின்று…
அசைக்கும் அசைவினில்
அகிலமே அசைந்திடுமே!

இரு மனம் இணைத்திடும்
திருமண வைபவத்தில்..
சில மனம் கலைந்து விடும்
பலர் மனங் களங்கமுறும்!

இது தானா எம் மார்க்கம்?
இது தானா நபிவழி?
இவ்வித வைபவங்களை
இல்லாதொழித்திட…
இங்கு ஓர் ஆயிஷா (ரலி) இல்லையா?
இனி ஓர் உமர் (ரலி) வரமாட்டாரா?
இறைவனின் சாபங்கள்
இறங்க மாட்டாதா?
இதையுணரும் உள்ளங்கள் உருவாகாதா?

– Binth Hassan-

LEAVE A REPLY